У Сірыі забіты лідар групоўкі "Ісламская дзяржава"

У Сірыі ліквідавалі кіраўніка групоўкі "Ісламская дзяржава". Паводле звестак прэс-службы Цэнтральнага камандавання ЗША, Абу Юсіф памёр у выніку высокадакладнага авіяўдару ва ўсходняй правінцыі Дэйр-эз-Зор. Разам з ім быў забіты яшчэ адзін таемны агент радыкальнага руху.

Пасля дзяржперавароту ў Сірыі групоўка "Ісламская дзяржава" скарысталася станам хаосу і пашырыла падкантрольныя тэрыторыі. У асноўным на паўночным усходзе краіны.

Між тым, ЗША адклікалі ўзнагароду ў 10 млн долараў за садзейнічанне ў арышце фактычнага новага лідара Сірыі аль-Джулані (раней ён знаходзіўся ў спісе тэрарыстаў, якія вышукваюцца).