У ЗША б'юць трывогу з-за птушынага грыпу: у Каліфорніі ўведзены рэжым НЗ

Губернатар штата Каліфорнія аб'явіў надзвычайнае становішча з-за птушынага грыпу.

Мера была прынята пасля таго, як выпадкі захворвання былі зафіксаваны ў кароў на фермах. Пакуль у штаце не было выпадкаў перадачы захворвання ад чалавека да чалавека. Амаль усе інфіцыраваныя кантактавалі з заражанымі жывёлінамі.

Птушыны грып быў упершыню выяўлены ў ЗША у дзікіх птушак два гады таму. З тых часоў ён распаўсюджваецца па краіне. У 2024 годзе быў пацверджаны 61 выпадак заражэння сярод людзей, пры гэтым у Каліфорніі зарэгістраваны 34.