У ЗША зафіксавалі першую смерць чалавека ад птушынага грыпу

У ЗША у штаце Луізіяна ўпершыню зафіксавалі смерць чалавека ад птушынага грыпу H5N1. Пацыенту было больш за 65 гадоў, і раней у яго былі выяўлены спадарожныя захворванні.

Аб шпіталізацыі хворага паведамілі ў сярэдзіне снежня. Усяго ў ЗША зафіксавана не менш як 66 выпадкаў захворвання людзей гэтым вірусам.

На фоне вестак аб смяротным зыходзе ўлады ўзмацнілі кантроль за аграгаспадаркамі, у той час як акцыі вытворцаў вакцын узняліся больш як на 10 %.