Украіна таемна арганізавала вытворчасць ракеты "Трэмбіта"

Кіеў змог таемна арганізаваць вытворчасць ракеты, якой далі назву "Трэмбіта", паведамляе выданне "Эканаміст".

Ракета здольная паразіць цэлі на адлегласці да 200 км. У распрацоўцы яшчэ больш моцная зброя, якая можа пераадольваць адлегласць 500 і больш кіламетраў: такая ракета, тэарэтычна, можа даляцець нават да Масквы.

У 2025 годзе ўкраінскі ваенпрам спадзяецца вырабіць 3 тыс. "Трэмбіт" і некаторую колькасць ракет павышанай дальнабойнасці. Праўда, для гэтага патрэбны грошы, спецыялісты і ўменне захоўваць сакрэтнасць: любая высокатэхналагічная вытворчасць ператвараецца ў груды развалін адным дакладным трапленнем ракеты або дрона.