У РФ знайшлі самы вялікі ў гісторыі краіны алмаз

У Расіі здабылі самы буйны ў гісторыі краіны алмаз. Як вядома, крышталь ювелірнай якасці мае бурштынавы колер і важыць 468,30 карата, а яго памеры складаюць 56х54х22 мм, паведамляе БЕЛТА са спасылкай на Татар-інформ.

У прэс-службе кампаніі "Алроса" расказалі, што гэты алмах здабылі ў Якуціі. "На сённяшні дзень гэта найбуйнейшы алмаз ювелірнай якасці, здабыты ў Расіі", - гаворыцца ў матэрыяле.

У кампаніі вырашылі назваць знаходку "80 гадоў Перамогі ў Вялікай Айчыннай вайне". Як адзначылі ў "Алросе", такую назву алмаз атрымаў у гонар юбілею Перамогі, таму што крышталь знайшлі менавіта ў 2025 годзе.

"Мы прынялі рашэнне прысвоіць яму імя ў гонар такой знакавай для ўсёй нашай краіны падзеі", - сказаў гендырэктар кампаніі Павел Марынычаў.