Ваеннае становішча ва Украіне падоўжылі яшчэ на 90 дзён

Вярхоўная рада падтрымала падаўжэнне ваеннага становішча ва Украіне на 90 дзён - да 5 лістапада, паведамляе ТАСС са спасылкай на дэпутата Аляксея Ганчарэнку, які вядзе трансляцыю з Рады.

За прагаласавалі 320 дэпутатаў, супраць - адзін (сам Ганчарэнка), піша ТАСС.

Гэта ўжо 16-е падаўжэнне дзеяння ваеннага становішча ва Украіне з лютага 2022 года. У гэты перыяд немагчыма правядзенне, у прыватнасці, ні парламенцкіх, ні прэзідэнцкіх выбараў.

Таксама паведамляецца, што Рада прагаласавала за падаўжэнне на гэты ж тэрмін усеагульнай мабілізацыі. Рашэнне падтрымалі 304 дэпутаты, супраць 1.