Ядзерныя, нафтавыя або ваенныя? Якія аб'екты ў Іране сталі цэллю Ізраіля ўначы

Ізраільская армія ў ноч на 26 кастрычніка атакавала Іран. Паводле заяў ЦАХАЛ, цэлямі сталі ваенныя аб'екты, а не ядзерныя, як меркавалася раней. Удары здзяйсняліся ў рамках адказу на атакі на яўрэйскую дзяржаву.

Было задзейнічана больш як 100 самалётаў, уключаючы знішчальнікі F-35. СМІ перадаюць аб серыі выбухаў, якія чулі жыхары Тэгерана і аднаго з прыгарадаў сталіцы. Ізраіль упэўнівае, што атакаваў дзясяткі стратэгічных ваенных аб'ектаў у Іране, сярод якіх былі заводы па вытворчасці БПЛА і базы запуску ракет.

СМІ пішуць пра тое, што ЗША былі папярэджаны аб планах Тэль-Авіва. У сваю чаргу Белы дом заявіў, што Ізраіль наносіць удары па Іране ў мэтах самаабароны.

Пры гэтым тэлеканал Al Mayadeen сцвярджае, што сілы СПА Ірана адбілі большую частку ўдараў. Дыяметральна процілеглая інфармацыя прыходзіць з ізраільскіх СМІ: паводле паведамлення газеты Jerusalem Post, усе запушчаныя ракеты змаглі паразіць цэлі, а іранскія сістэмы СПА апынуліся супраць іх нямоглыя.

На фоне атакі Іран часова адмяніў усе авіярэйсы. У Тэгеране заявілі, што Ізраіль атрымае прапарцыйны адказ.

Фота: ТАСС