Яшчэ даражэй? У краінах Балтыі рэзка выраслі цэны на электраэнергію

Літоўскія СМІ паведамляюць аб росце оптавай цаны на электраэнергію, які склаў без малога 30 %. Падаражэнне электрычнасці назіралася па ўсёй Прыбалтыцы - рост цэн у Эстоніі і Латвіі таксама перавысіў 25 %.

Прычынай называюць энергадэфіцыт у Фінляндыі і Швецыі, які ў сваю чаргу быў выкліканы недахопам электрычнасці ў Германіі. Сітуацыя мае тэндэнцыю да пагаршэння - па ўсёй Паўночнай Еўропе ўзніклі праблемы з ветра- і гідраэнергетыкай.

Зрэшты, літоўцам неабходна прывыкаць да дарагоўлі: з выхадам з беларуска-расійскай энергасістэмы БРЭЛЛ у іх знікае нават абстрактная магчымасць доступу да таннай электрычнасці.

Да ўсяго ў дадатак літоўцаў чакае рэкордна дарагое Раство. Паводле даных мясцовай статыстыкі, у краіне назіраецца рэзкі рост цэн на харчаванне. Напрыклад, яблыкі падаражэлі амаль напалову, а рыс - на 43 %. У параўнанні са снежнем 2021-га, па самых асцярожных ацэнках, цэны выраслі на чвэрць.

Літва стала самай дарогай краінай рэгіёна: тут нават з'явіліся калядныя шоп-туры ў Польшчу, дзе каўбасу або сыр можна купіць істотна танней.