З 1 студзеня ў Мілане забаронена курыць на вуліцы. Які штраф чакае парушальніка?

У Мілане ўвялі самую жорсткую на тэрыторыі Італіі забарону на курэнне цыгарэт у грамадскіх месцах і на вуліцы. Парушальнікам пагражае штраф да 240 еўра.

Мясцовыя ўлады сцвярджаюць, што мера будзе дзейнічаць усюды, за выключэннем спецыяльна адведзеных зон. Там курцы павінны захоўваць дыстанцыю не менш чым 10 метраў.

Меры накіраваныя на паляпшэнне якасці паветра і абарону здароўя жыхароў. Аднак забарона не распаўсюджваецца на электронныя цыгарэты і вейпы.