ЗША аднавілі пастаўкі зброі ва Украіну

Як паведамілі інфармагенцтвы, адноўлены пастаўкі амерыканскай зброі ва Украіну. У першую чаргу амерыканцы адправілі Узброеным сілам Украіны буйнакаліберныя снарады і шэраг іншых боепрыпасаў.

Гісторыя з прыпыненнем паставак усё яшчэ пакрытая таямніцай: Трамп настойвае, што без яго такія пытанні ніхто не вырашае, але ён перадачу зброі не забараняў, а высветліць, хто гэта зрабіў, пакуль не было часу. Неафіцыйная версія такая: рашэнне прыняў міністр абароны Хегсет.

Трамп тым часам разглядае магчымасць адпраўкі ва Украіну яшчэ аднаго амерыканскага зенітнага ракетнага комплексу Patriot.

Дональд Трамп, прэзідэнт ЗША:

"Яны былі б рады. Яны вельмі прасілі. Але гэта вельмі рэдкія сістэмы, ды і ва Украіну ўжо было адпраўлена шмат сістэм. Але яны вельмі прасілі. Нам трэба будзе разгледзець іх просьбу. Але гэта дарагая, вельмі дарагая сістэма. Шкада, што нам прыходзіцца траціць столькі грошай на вайну, якая ніколі б не здарылася, калі б я быў прэзідэнтам".

Амерыканцы просяць немцаў перадаць свае комплексы Patriot украінцам. Канцлер Мерц, у сваю чаргу, лічыць, што зрабіць гэта павінны Штаты з уласных запасаў, бо ў ФРГ было 12 комплексаў і 3 з іх ужо ва Украіне. Блытаніны дадае заява, зробленая Дудам. Па яго словах, краіны НАТА і Украіна памылкова лічаць, што польскія дарогі і хаб у Жэшуве, праз які ажыццяўляліся пастаўкі зброі, знаходзяцца ў іх распараджэнні: "Прабачце, гэта не іх. Гэта наша. У сувязі з гэтым, калі камусьці нешта не падабаецца, то мы яго закрываем і да пабачэння. У нас рамонт", - сказаў Дуда ў інтэрв'ю некалькім польскім YouTube-каналам.