ЗША і Кітай абвясцілі перамір'е ў тарыфнай вайне на 90 дзён

ЗША і Кітай абвясцілі перамір'е ў тарыфнай вайне, яно прадоўжыцца 90 дзён. Дамоўленасць дасягнута напярэдадні на перамовах у Швейцарыі.

На гэты перыяд Пекін зніжае імпартныя пошліны на амерыканскія тавары да 10 працэнтаў, а Вашынгтон будзе абкладаць кітайскія тавары 30-працэнтным зборам. Гэта дае час на пошук доўгатэрміновых рашэнняў, якія могуць спыніць гандлёвую вайну.

Трамп заяўляе, што яго стратэгія - перавесці прамысловую вытворчасць у Штаты і скараціць залежнасць ад замежных вытворцаў. А гэтая залежнасць зараз з'яўляецца абсалютнай. Кітай, у сваю чаргу, не плануе расставацца са сваім статусам планетарнай фабрыкі.

Таму любое перамір'е ў гандлёвых адносінах дзвюх краін можа насіць толькі часовы характар.