ЗША накіравалі дзве атамныя субмарыны ў бок Расіі

Дзве амерыканскія атамныя субмарыны перамяшчаюцца ў бок Расіі. Гэтую інфармацыю пацвердзіў Дональд Трамп і дадаў, што такім чынам абараняе амерыканцаў.

Раней ён заявіў, што размесціць ядзерныя падлодкі "ў адпаведных рэгіёнах" у сувязі з каментарыямі намесніка старшыні Савета бяспекі Расіі Дзмітрыя Мядзведзева ў сацсетках. Размова аб згадванні "Мёртвай рукі" Масквы - так называюць сакрэтную сістэму кіравання ракетнымі войскамі стратэгічнага прызначэння. Яна адказвае за нанясенне ядзернага ўдару ў выпадку нападу. Гэтыя словы Трамп паспрабаваў выдаць за дастатковую падставу для эскалацыі напружання.

"Ён гаварыў аб ядзернай зброі, а калі размова аб ядзернай зброі, мы павінны быць гатовы. І мы поўнасцю гатовы", - заявіў амерыканскі прэзідэнт.

Куды менавіта накіраваліся амерыканскія субмарыны, Трамп не паведаміў. На запыт расійскіх журналістаў Вашынгтон пакуль не даў ніякіх каментарыяў.