ЗША плануюць абмежаваць уезд для грамадзян Беларусі і Расіі

Турыстам - забарона, бізнесу - зялёнае святло. Улады ЗША плануюць узмацніць правілы ўезду для грамадзян 43 краін, у тым ліку Беларусі і Расіі. Пра гэта паведамляе New York Times.

Праект, распрацаваны адміністрацыяй Дональда Трампа, прадугледжвае падзел краін на тры катэгорыі: "жоўтую", "аранжавую" і "чырвоную". Беларусы і расіяне трапляюць у "аранжавую" групу - для іх будуць даступныя толькі бізнес-візы. Турыстычныя і іміграцыйныя могуць быць поўнасцю забаронены.

Чакаецца, што новыя правілы будуць афіцыйна аб'яўлены на наступным тыдні. Гэтыя меры з'яўляюцца часткай маштабнай стратэгіі ўзмацнення міграцыйнай палітыкі ЗША.