ЗША прывялі свае сілы на Блізкім Усходзе ў баявую гатоўнасць

ЗША на Блізкім Усходзе прывялі свае сілы ў баявую гатоўнасць. У рэгіён на фоне магчымай эскалацыі сітуацыі накіраваны дадатковыя самалёты F-16.

У ноч на 26 кастрычніка Ізраіль нанёс удар у адказ па Іране. Па заявах ЦАХАЛ, цэлямі сталі ваенныя аб'екты, а не ядзерныя або нафтавыя, як меркавалася раней. Было задзейнічана больш як 100 самалётаў, уключаючы знішчальнікі F-35. СМІ апублікавалі кадры паветраных удараў і іх наступстваў.

Паводле даных Fars News, выбухі прагрымелі побач з аэрапортам імя Імама Хамейні і ва ўсходняй частцы Тэгерана. Акрамя таго, у сацсетках паведамляюць, што пад удар таксама трапілі Сірыя, Ірак і Іарданія.

Улады Ірана закрылі паветраную прастору краіны пасля ўдараў Ізраіля. Спынілі авіязносіны і ў Іраку. Інфармацыі аб пацярпелых у выніку атакі пакуль не паступала. Камандаванне арміі Ірана заявіла, што большасць удараў у Тэгеране была паспяхова адбіта, усе варожыя паветраныя цэлі былі збіты.

Крыніцы ў Корпусе вартавых ісламскай рэвалюцыі таксама заявілі, што Ізраіль атрымае прапарцыйны адказ.