Сезон вірусаў: як беларусам абараніцца ад грыпу і ВРВІ?

Разам з зімовымі халадамі ў Беларусі пачалі фіксаваць сезонны ўздым захворванняў на грып і ВРВІ. Пакуль лічбы не выходзяць за рамкі сярэдніх шматгадовых значэнняў, але медыкі папярэджваюць: пік яшчэ наперадзе.

Беларусь рыхтуецца да сезоннага піку захворванняў на грып і ВРВІ. Медыкі прагназуюць максімальную актыўнасць вірусаў ужо да канца студзеня. Паводле даных лабараторнага маніторынгу, у краіне адначасова цыркулююць вірусы грыпу А і В, сезонныя каранавірусы і іншыя рэспіраторныя інфекцыі (больш падрабязна – глядзіце відэа).