Трамп выступіў за прыняцце санкцый супраць партнёраў Масквы

Неадназначная палітыка Трампа - амерыканскі лідар падтрымаў законапраект аб санкцыях супраць краін - партнёраў Расіі. Прэзідэнт ЗША заявіў, што адобрыць ініцыятыву, якую прасоўваюць члены кангрэса, пры гэтым дапусціўшы, што ў гэты спіс уключаць і Іран.

Санкцыйны план быў прапанаваны ў пачатку красавіка двухпартыйнай групай членаў сената. Ініцыятыва прадугледжвае і другасныя санкцыі ў дачыненні да гандлёвых партнёраў Масквы. Сенатары прапанавалі ўвесці ўвазныя мыты ў памеры 500 % на імпарт у ЗША з краін, якія купляюць у Расіі нафту, газ, уран і іншыя тавары.