У Беларусі зменены парадак звароту за прызначэннем пенсіі. Якія новаўвядзенні?

У Беларусі з 1 студзеня спрошчаны парадак звароту за прызначэннем пенсіі, паведамляе БЕЛТА са спасылкай на прэс-службу Міністэрства працы і сацыяльнай абароны.

Да 2025 года заяву аб прызначэнні пенсіі па ўзросце трэба было падаваць у дзень набыцця права на яе, гэта значыць у дзень дасягнення работнікам пенсійнага ўзросту.

Зараз для спрашчэння гэтай працэдуры ўводзіцца права звароту з заявай як за месяц да ўзнікнення права на пенсію, так і на працягу аднаго месяца пасля.

Змяненні не закранаюць пенсіі па інваліднасці альбо з нагоды страты карміцеля (яе можна атрымаць за мінулы перыяд).