У іх малаку больш тлушчу і бялку. У Беларусі разводзяць чырвоную пароду кароў

У Мінскай вобласці ў 2025 годзе пабудуюць два дзясяткі малочна-таварных комплексаў. У планах атрымліваць з адной каровы больш як 7 тысяч кілаграмаў малака.

У АПК Цэнтральнага рэгіёна акцэнт робіцца як на тэхналогіях, так і на відах саміх жывёл. Напрыклад, у Акадэміі навук па жывёлагадоўлі разводзяць чырвоную пароду кароў: на селекцыйна-племянной ферме "Будагова" 500 такіх кароў. Іх галоўныя перавагі ў прадуктыўным даўгалецці і пладавітасці. Малако ж кароў чырвонай пароды больш канцэнтраванае, у ім больш тлушчу і бялку.

Адзначым, селекцыйная праца па вывядзенні чырвонай пароды кароў вядзецца ўжо пяць гадоў. Навукоўцы плануюць яе зацвердзіць у афіцыйным статусе да 2030 года.