Узровень газіфікацыі ў Беларусі складае амаль 84 %

У Беларусі ўзровень газіфікацыі дасягнуў практычна 84 %. Гэта больш, чым у некаторых суседніх краін. Сёння прыродным газам у краіне забяспечаны ўсе вялікія і малыя гарады, а таксама 3 700 населеных пунктаў.

14 лютага аб гэтым, а таксама аб развіцці электраэнергетыкі гаварылі ў Палаце прадстаўнікоў.

Дэпутаты і кіраўнікі энергетычных служб сабраліся на семінар-нараду. Мерапрыемства праходзіць у новым фармаце, каб комплексна і аператыўна адпрацаваць запыты, якія паступаюць ад грамадства.

Як падкрэсліў спікер Ігар Сергеенка, рост якасці паслуг, што аказваюцца насельніцтву, ставіць перад энергетычнай галіной новыя задачы. Гэта асабліва запатрабавана ў сельскай мясцовасці, дзе людзі хочуць бачыць роўны ўзровень камфорту з гарадамі.

Семінар арганізаваны ў рамках мерапрыемстваў пяцігодкі якасці, Года добраўпарадкавання і фарміравання дзяржпраграм на наступныя 5 гадоў.