Кіраўнік Еўракамісіі 4 сакавіка азнаёміць краіны ЕС з планам пераўзбраення Еўропы

Чарговы важны дзень у сусветнай геапалітыцы анансаваў амерыканскі прэзідэнт. Дональд Трамп у сваёй сацсетцы напісаў: "Заўтра будзе важны вечар, я скажу ўсё, як ёсць".

Адначасова рыхтуецца зрабіць важную заяву кіраўнік Еўракамісіі. Фон дэр Ляен заявіла, што 4 сакавіка азнаёміць краіны ЕС з планам пераўзбраення Еўропы. Відавочна, што ўзгодненай пазіцыі на фоне расколу паміж Еўропай і ЗША чакаць не прыходзіцца.

Сустрэча дэлегацый ЗША і Расіі змяніла пазіцыю Вашынгтона, паскардзілася кіраўнік еўрадыпламатыі. Кая Калас заявіла, што Генеральная Асамблея ААН прыняла 2 рэзалюцыі, але Штаты ўстрымаліся пасля ўнясення антырасійскіх паправак.