8 сакавіка Сімфанічны аркестр Белтэлерадыёкампаніі запрашае на канцэрт у "Верхнім горадзе"

Музычны падарунак у Міжнародны жаночы дзень падрыхтаваў сімфанічны аркестр Белтэлерадыёкампаніі.

8 сакавіка калектыў выступіць у дуэце з салістам Вялікага тэатра Беларусі Іосіфам Нікіценкам. Ён з'яўляецца стыпендыятам спецыяльнага фонду Прэзідэнта Рэспублікі Беларусь па падтрымцы таленавітай моладзі.

У афішы заяўлены каронныя нумары опернага тэнаровага рэпертуару, неапалітанскіх песень і папулярных аркестравых інструментальных мініяцюр. За дырыжорскім пультам будзе знаходзіцца Аляксандр Высоцкі.

"Распрацавана праграма для шырокага кола меламанаў, якія любяць італьянскія і неапалітанскія песні, арыі", - удакладніў дырэктар творчага аб'яднання музычных калектываў Белтэлерадыёкампаніі Віктар Кісцень.

Шоу адбудзецца ў сталічнай канцэртнай зале "Верхні горад" у 19:00.