Авангард, постмадэрнізм, абстракцыя і рэалізм у Мінску на выставе "Сучасны жывапіс Узбекістана"

Авангард, постмадэрнізм, абстракцыя і рэалізм - разнастайныя мастацкія формы дэманструюцца ў Палацы мастацтва ў Мінску на выставе "Сучасны жывапіс Узбекістана".

Маштабны праект праходзіць у рамках супрацоўніцтва саюзаў мастакоў Беларусі і Узбекістана. Яго мэта - знаёмства беларускай публікі з багатым і самабытным мастацтвам сучасных узбекскіх майстроў. У выставу ўвайшлі 42 работы ад 22 узбекскіх мастакоў розных пакаленняў.

"Гэта першы праект, падабраны спецыяльна для Беларусі", - адзначыў яго куратар скульптар і дызайнер Максім Пятруль.

У Мінску экспазіцыя будзе працаваць да 23 лютага. Супрацоўніцтва паміж Беларуссю і Узбекістанам знаходзіць адлюстраванне і ў штогадовых Днях культуры, якія праходзяць у абедзвюх краінах. Напрыканцы года беларускія майстры пакажуць свае творы на мастацкай выставе ва Узбекістане.