Хто з трох выканаўцаў узыдзе на вяршыню, вырашаць тэлегледачам. "Фактар.by" раскрые ўсе таямніцы

24 студзеня - апошні акорд чацвёртага сезона самага рэйтынгавага музычнага шоу краіны! Хто ж узыдзе на вяршыню "Фактар.by"?

На поўную моц і з усёй аддачай за перамогу пазмагаюцца тры суперфіналісты: Дзіяна Лугіна, Віталь Багданаў і Самір Елчыеў. У прамым эфіры прагучаць "Песні з кастынгаў і кампазіцыі на выбар удзельніка і настаўніка". Дэталі выступленняў трымаюць у сакрэце, але абяцаюць сюрпрызы і новыя амплуа выканаўцаў.

У кім адкрыюць той самы "Фактар.by" чацвёрты раз? Вырашаеце Вы, тэлегледачы. Менавіта ад вашага галасавання залежыць, хто пераможа ў шоу.

Дапамагчы атрымаць перамогу свайму фаварыту можна будзе пасля адкрыцця ліній для галасавання на працягу 15 хвілін прамога эфіру.

За аднаго артыста можна адправіць не больш за 5 SMS або зрабіць не больш за 5 званкоў. Прамы эфір 24 студзеня ў 21:45 на першай кнопцы. Не прапусціце.