Новую праграму "Масленка" рыхтуюцца паказаць "Харошкі"

Прэм'ерную праграму рыхтуе Беларускі дзяржаўны акадэмічны заслужаны харэаграфічны ансамбль "Харошкі". Тэатралізаваную "Масленку" адточваюць у рэпетыцыйных залах ужо некалькі месяцаў.

"Харошкі" рыхтуюцца зноў пакараць і здзіўляць гледача. Калектыў народны, рэпертуар адпаведны.

Ірына Грушова, аўтар праграмы "Масленка", мастацкі кіраўнік ансамбля "Харошкі", заслужаная артыстка Беларусі: "Галоўнае, каб усё разам злілося: і танец, і касцюмы, і каб гэта быў мастацкі вобраз, каб прачытаўся сюжэт і задумка. Мне здаецца, атрымліваецца дастаткова яркае, цікавае, самабытнае і - самае важнае - нацыянальнае відовішча".

"Харошкі" будуць здзіўляць гледача не толькі напаўненнем, але і афармленнем. Спецыяльна для новай канцэртнай праграмы калектыў вырабіў новыя касцюмы і нават напісаў музыку. Партытуры пісаў кампазітар Уладзімір Гінько.

Аляксей Гаявой, мастак-пастаношчыў ансамбля "Харошкі": "Праграма стваралася з вясны. Часу ў нас было няшмат, улічваючы, што ў нас і канцэрты, і ўдзел у розных мерапрыемствах. Работа была вельмі шчыльная".

Касцяк праграмы - людзі. Да прэм'еры рыхтуюцца лепшыя акадэмікі сцэны. Народную "Масленку" станцуюць, праспяваюць і нават сыграюць. Над стварэннем тэатральнага палатна працуе звыш 30 чалавек.

"Мне здаецца, вельмі цікава атрымліваецца, - падзялілася артыстка балета ансамбля "Харошкі" Вольга Паўлейчык. - Вельмі цікавая задумка, вельмі цікавыя ў нас касцюмы, рухі ў танцах вельмі цікавыя. Усё дастаткова маляўніча, каларытна".

Сустракаць "Масленку" з ансамблем "Харошкі" гледачы будуць 15 і 16 студзеня ў Нацыянальным акадэмічным тэатры імя Янкі Купалы.