Прадстаўнікі 44 краін узялі ўдзел у міжнародным форуме мастацтваў "Славянскі базар"

Віцебск гаворыць "Да пабачэння!" XXXIV "Славянскаму базару", каб вярнуцца ўжо з юбілеем. Артысты, удзельнікі і госці з 4 дзясяткаў краін павезлі яркія ўражанні ад шоу-праграм.

Фестываль запомніцца начнымі канцэртамі, паказамі лялечных тэатраў, выставамі, праектамі Дзён моладзі і Саюзнай дзяржавы, а яшчэ гасціннасцю беларусаў.

XXXIV форум мастацтваў запомніцца аншлагамі адразу на дзвюх буйных пляцоўках. У 2025 годзе канкурэнцыю Летняму амфітэатру склаў Віцебскі цэнтральны спартыўны комплекс. Поспехам карысталіся праекты і на адкрытых лакацыях па ўсім горадзе. Вулічныя лакацыі форуму наведалі больш як 200 тыс. чалавек.

14 удзельнікаў у дарослым конкурсе (столькі ж у дзіцячым) заваявалі знакамітую віцебскую сцэну. Упэўненая перамога ў Амаліі Сухан - Гран-пры дзіцячага музычнага спаборніцтва застаўся ў Беларусі. А таксама першае месца ў Валерыі Бернатовіч. На Віцебскім небасхіле запаліліся новыя зоркі.

Па эмоцыі і беларускі каларыт на міжнародны форум мастацтваў прыехалі прадстаўнікі 44 краін. Музыканты, мастакі, рамеснікі стваралі свята па ўсім горадзе. Шоу-праграмы сусветнага ўзроўню і імправізацыі вулічных артыстаў - гэта ўсё "Славянскі базар" у Віцебску.

У Віцебску развіталіся з XXXIV фестывалем. У дырэкцыі ўжо ёсць ідэі, якімі праектамі напоўніць XXXV юбілейны форум мастацтваў. Яго гісторыю пішуць усе, хто ў ліпені месцам сустрэчы выбірае горад на Заходняй Дзвіне.