Прыпынак - Віцебск: "Фактар.by" працягвае шукаць таленты

"Фактар.by" працягвае шукаць удзельнікаў новага сезона. 9 чэрвеня на карце маршруту талент-шоу знаходзіцца паўночны рэгіён. На сцэну Віцебска амбіцыйныя ўдзельнікі прыйшлі выканаць сваю мару. Заваяваць журы сваім талентам жадаюць людзі розных узростаў і прафесій.

"Вучуся яшчэ ў школе, пераходжу ў 11 клас. Музыка для мяне з'яўляецца важнай часткай жыцця, без яе я нікуды. Спадзяюся, у гэтым праекце я раскрою сябе", - расказвае адна з удзельніц.

"Заўсёды марыла ўзяць удзел у такім конкурсе, але неяк не атрымлівалася. Гэтым разам вырашыла рызыкнуць і паспрабаваць. Усе сваякі і сябры падтрымалі мяне. Таму я спадзяюся, што гледачы мяне таксама палюбяць, а журы мяне ацэніць", - адзначае іншая ўдзельніца.

Марына Бараноўская, член журы:

"Строгай я не буду. Сёння знаходжуся ў сябе на радзіме - у любімым Віцебску. Мы будзем выбіраць яркіх, неардынарных, спяваючых. Пэўных крытэрыяў у мяне праўда няма".

Шукаць таленты на Віцебшчыне каманда "Фактар.by" будзе яшчэ 10 чэрвеня. Затым вакальны дэсант адправіцца ў Гомель.