Свята музыкі "Заслаўе-2025" прайшло ў адным з самых старажытных гарадоў Беларусі

Свята музыкі "Заслаўе-2025" прайшло ў адным з самых старажытных  гарадоў Беларусі. Форум мае даўнія традыцыі, якія заклаў яшчэ народны артыст Беларусі Міхаіл Фінберг. Фестываль створаны для выяўлення юных талентаў і папулярызацыі беларускага музычнага мастацтва. У рамках заслаўскага свята праходзіць конкурс, у якім бяруць удзел 35 адораных выканаўцаў з 20 гарадоў Мінскай вобласці.

Заслаўскі музычны фестываль прадстаўляе тэматычную праграму. Летась  форум праходзіў пад знакам 80-годдзя вызвалення Беларусі ад нямецка-фашысцкіх захопнікаў, а сёлета -  канцэртныя выступленні прысвечаны Вялікай Перамозе савецкага народа ў Вялікай Айчыннай вайне.