Вядомыя імёны, спектакль-паказ і жывапіс. Праект "Рускія сезоны" стварае атмасферу свята

Спектакль-паказ "Дзягілеў" - на сцэне Купалаўскага тэатра. Сінтэз некалькіх відаў мастацтва аб’яднаў расійскі праект "Тэрыторыя поспеху: мода”. Пластычны нумар жар-птушкі ў спектаклі выканала сама Ілзе Ліепа, а эскізы для моднага паказу стваралі дзеці.

Мода, тэатр, музыка і жывапіс. Творчы вечар у Купалаўскім тэатры пачаўся з музычнага салона, дзе выступалі беларускія музыканты і оперныя выканаўцы. Фонам для канцэрта і моднага паказу сталі жывапісныя працы сучасных беларускіх мастакоў. Уся атмасфера свята пераклікалася з дзягілеўскай эпохай.

Знакаміты праект “Рускія сезоны” працягваецца у Беларусі. Спектакль-паказ “Дзягілеў” на сцэне Купалаўскага тэатра.

Выдатная асоба, таленавіты імпрэсарыа Сяргей Дзягілеў на мяжы XIX-XX стагоддзяў "адкрыў" свету шматлікія таленты: артыстаў балета, кампазітараў і мастакоў. Поспех балетных пастановак “Рускія сезоны” быў ашаламляльным і паспрыяў моднай хвалі "на ўсё рускае", якая захапіла Еўропу ў пачатку мінулага стагоддзя. Гастролі антрэпрызы сталі штогадовымі і паступова пакарылі не толькі Парыж, Лондан, іншыя еўрапейскія гарады, а таксама ЗША і Паўднёвую Амерыку.

Творы Каровіна, Бакста, Урубеля - у модным паказе спектакля. Эскізы калекцый адзення былі прыдуманы юнымі мадэльерамі паводле знакамітых балетаў "Рускія сезоны" і мастакоў-сяброў і аднадумцаў Дзягілева .

Ролі суайчыннікаў Дзягілева выканалі артысты Маскоўскага тэатра імя Гогаля. Спецыяльны госць праекта - вядомая балерына, народная артыстка Расіі Ілзе Ліепа. Яна прадставіла пластычную партыю на музыку з балета Ігара Стравінскага "Жар-птушка". Дарэчы, эскіз яе касцюма таксама быў створаны юнай мастачкай з Саратаўскай вобласці.

Спектакль двойчы прайшоў у Беларусі у рамках гастрольнага тура міжнароднага дзіцячага праекта "Тэрыторыя поспеху: мода". Яго працягам стаў яшчэ адзін модны паказ з удзелам беларускіх дызайнераў.