ЦВК 3 лютага падвядзе вынікі галасавання на выбарах Прэзідэнта Беларусі

Цэнтральная выбарчая камісія 3 лютага падвядзе вынікі выбараў Прэзідэнта Беларусі.

Пасяджэнне пачнецца ў 12:00. Анлайн-трансляцыя будзе даступная на сайце ЦВК. Заслухаюць інфармацыю старшыняў абласных, Мінскай гарадскі камісій па выбарах, вынікі галасавання. У пасяджэнні таксама возьмуць удзел акрэдытаваныя назіральнікі і СМІ.

Выбары Прэзідэнта адбыліся 26 студзеня. 86,82 % выбаршчыкаў прагаласавалі за Аляксандра Лукашэнку. Гэта вядома ўжо як тыдзень. На наступны дзень пасля асноўнага дня галасавання Цэнтрвыбаркам агучыў папярэднія вынікі.

На выбарах Прэзідэнта было створана 5325 участкаў для галасавання, з іх 207 - у бальніцах, санаторыях, дамах адпачынку і іншых месцах часовага знаходжання выбаршчыкаў, 12 - у воінскіх часцях. У кожным абласным цэнтры быў участак для галасавання грамадзян Беларусі, якія пастаянна пражываюць за межамі краіны і стаяць на консульскім уліку. 114 такіх нашых суайчыннікаў узялі ўдзел у выбарах і прагаласавалі.

За выбарамі ў Беларусі сачылі 486 замежных назіральнікаў з 52 краін свету. І ўсе яны далі высокую ацэнку падрыхтоўцы і правядзенню выбараў.

Выбары Беларусі прайшлі на падставе абноўленай Канстытуцыі і Выбарчага кодэкса, у тэрміны, устаноўленыя заканадаўствам і каляндарным планам.

ЦВК ужо паведамляў - ад грамадзян і назіральнікаў не паступалі скаргі аб парушэннях выбарчага заканадаўства.

У краіне працавалі 331 замежны журналіст з 23 дзяржаў.

Сёння на пасяджэнні ЦВК разгледзяць яшчэ інфармацыю аб працы Цэнтра грамадскага назірання, а таксама аб працы з моладдзю ў перыяд падрыхтоўкі і правядзення выбараў.

Фота: sb.by