Беларусь і Узбекістан падпісалі шэраг мемарандумаў аб супрацоўніцтве ў галіне культуры

Узбекістан зацікаўлены ў супрацоўніцтве з Беларуссю па падрыхтоўцы кадраў для сферы культуры. 5 лістапада ў Ташкенце прайшлі перамовы профільных міністэрстваў.

Размова ідзе не толькі наконт творчых спецыялістаў, але і тэхнічных. Краіне патрэбныя мастакі-аніматары, стваральнікі графічнага кантэнту. Таксама дамовіліся аб правядзенні Дзён культуры Узбекістана ў Беларусі.

"Менавіта тэхналогіі па лініі культуры і мастацтва зараз вельмі развітыя ў Беларусі. Ва Узбекістане пакуль вельмі мала такіх спецыялістаў, педагогаў амаль няма. Мы маем патрэбу ў дапамозе Беларусі", - адзначыў міністр культуры Узбекістана Азадбек Назарбекаў.

5 лістапада быў падпісаны мемарандум аб супрацоўніцтве і паразуменні паміж Дзяржаўным тэатрам музычнай камедыі Узбекістана і Беларускай дзяржаўнай філармоніяй. Замацавалі рашэнне аб сумеснай рабоце таксама кіраўнікі Вялікіх тэатраў.

Бакі дамовіліся таксама аб сумеснай рабоце ў кінематографе.