Урадавая дэлегацыя Беларусі накіравалася ў Казахстан

Урадавая дэлегацыя Беларусі на чале з прэм'ер-міністрам Аляксандрам Турчыным накіравалася ў Казахстан з афіцыйным візітам.

Кіраўнік урада абмяркуе пытанні паглыблення двухбаковага супрацоўніцтва з прэзідэнтам Касым-Жамартам Такаевым. Таксама ў праграме перамовы з прэм'ерам Казахстана Алжасам Бекценавым у вузкім і пашыраным складах.

Ужо 4 лістапада Аляксандр Турчын наведае Цэнтр падтрымкі лічбавага ўрада Казахстана і міжнародны тэхнапарк IT-стартапаў "Астана Хаб".