Аляксандр Лукашэнка павіншаваў Прэзідэнта Ірака і ўсіх грамадзян краіны з Днём незалежнасці

Прэзідэнт Беларусі Аляксандр Лукашэнка павіншаваў Прэзідэнта Ірака Абдулу Лаціфа Рашыда і ўсіх грамадзян краіны з Днём незалежнасці. Аб гэтым паведамляе БЕЛТА са спасылкай на прэс-службу беларускага лідара.

"Гэта свята - яркі сімвал сапраўднай мужнасці і стойкасці іракскага народа ў яго імкненні да свабоды і самастойнасці", - гаворыцца ў віншаванні.

Кіраўнік дзяржавы адзначыў, што Беларусь высока шануе дружалюбныя адносіны з Іракам, заснаваныя на ўзаемнай павазе і шчырай зацікаўленасці ў развіцці супрацоўніцтва ва ўсіх сферах.

"Упэўнены, што нашым краінам неабходна ўмацоўваць двухбаковыя сувязі, пашыраць гандлёва-эканамічныя, культурныя і гуманітарныя кантакты на карысць абедзвюх дзяржаў", - падкрэсліў беларускі лідар.

Аляксандр Лукашэнка пажадаў Абдулу Лаціфу Рашыду здароўя, шчасця і поспехаў, а народу Ірака - міру і дабрабыту.