Лукашэнка папрасіў у сферах будаўніцтва і ЖКГ менш займацца ўзгадненнямі, а больш - справамі

Прэзідэнт Беларусі Аляксандр Лукашэнка запатрабаваў ад урада і кіраўнікоў дзяржаўных органаў менш займацца ўзгадненнямі, а больш справай. Гэта было падкрэслена 4 сакавіка падчас прыняцця кадравых рашэнняў, піша БЕЛТА.

Прызначаючы Анатоля Сівака намеснікам прэм'ер-міністра, у вядзенні якога застаюцца пытанні будаўніцтва, транспарту і жыллёва-камунальнай гаспадаркі, Аляксандр Лукашэнка нагадаў, што задачы ўсім добра вядомыя. "Вы ведаеце, што рабіць. І па будаўніцтве, і па ЖКГ, і па іншых кірунках. Вельмі вас прашу: больш актыўна, менш узгадненняў, менш нарматыўкі, а больш справы", - падкрэсліў Прэзідэнт.

Перш за ўсё ён нагадаў віцэ-прэм'еру аб праблеме перапрацоўкі смецця: "Золата" пад нагамі: адходы, смецце і іншае. 70 % - жалезабетонная мэта - мы павінны перапрацоўваць".

У камандзе Анатоля Сівака новы міністр. Аляксандр Студнеў, які да гэтага часу працаваў старшынёй Магілёўскага гарвыканкама, зараз будзе кіраваць Міністэрствам архітэктуры і будаўніцтва.

Асаблівую ўвагу Аляксандр Лукашэнка запатрабаваў надаць будаўніцтву і рамонту дарог.

Закранаючы сферы ЖКГ, Прэзідэнт нагадаў, што менавіта на яе паступае больш за ўсё скарг ад грамадзян. Гаворачы ў цэлым пра тое, як наладжана праца ў рэгіёнах, Аляксандр Лукашэнка даручыў падрыхтаваць праект указа, які б перадаў частку яго паўнамоцтваў мясцовым органам улады.

"Трэба падрыхтаваць праект указа, каб да мяне губернатары не звярталіся: з адной крыніцы там, потым паралельнае праектаванне, будаўніцтва і іншае. Няхай яны прымаюць рашэнне на месцах. У крайнім выпадку хай узгадняюць у віцэ-прэм'ераў галіны, калі мы павысілі іх узровень. Узгаднілі з імі, а мы будзем кантраляваць. Акрамя адводу зямель, таму што зямельныя пытанні - гэта святое і застаюцца пакуль за Прэзідэнтам. А ўсё астатняе хай вырашаюць", - падкрэсліў кіраўнік дзяржавы.