Лукашэнка: Трэба дапамагаць усім, каб захаваць мір і спакой у плане рэлігіі на беларускай зямлі

Жыровічы - цэнтр беларускага праваслаўя і сапраўдная жамчужына Беларусі. Прэзідэнт Беларусі Аляксандр Лукашэнка наведаў святыню 19 верасня.

Зараджэнне храмавага комплексу звязана са з'яўленнем цудатворнага Жыровіцкага абраза Маці Божай. У 2025 годзе праваслаўныя вернікі святкуюць яго 555-годдзе.

Па даручэнні кіраўніка дзяржавы на працягу многіх гадоў ішла маштабная рэстаўрацыя Жыровіцкага манастыра. Выкананы рамонтна-рэстаўрацыйныя работы, падчас якіх выяўлены жывапіс XVII-XIX ст., але да глянцу яшчэ далёка. Прэзідэнт ставіць дэдлайн - вясной усе работы па добраўпарадкаванні вакол і на тэрыторыі трэба завяршыць. Кіраўніцтва вобласці хацела дапамагчы дзяржінвестпраграмай, але Аляксандр Лукашэнка робіць акцэнт на беражлівым выдаткоўванні сродкаў.

У Беларусі жывуць прадстаўнікі розных канфесій, усім трэба падставіць плячо. Таму там, дзе гэта магчыма, царкве трэба сваімі сіламі наводзіць парадак (падрабязнасці ў відэа).