Турыст з Беларусі знік на Эльбрусе

Беларускага турыста не могуць знайсці на Эльбрусе. Трывожная навіна паступіла ад МНС Кабардзіна-Балкарыі. Паводле даных ведамства, 26-гадовы мужчына планаваў уздым на гару Тэрскалак (вышыня 3 800 м).

Зараз мужчына, які не зарэгістраваў свой паход, на сувязь не выходзіць. На месца адправіліся ратавальнікі. Мясцовасць праглядаюць з верталёта.

Як паведамілі ў МЗС Беларусі, пасольства краіны ў Расіі знаходзіцца ў пастаянным кантакце з расійскімі кампетэнтнымі органамі, а таксама з бацькам знікшага, сітуацыя  на асобым кантролі міністэрства.