У Кобрынскім раёне грузавы цягнік насмерць збіў 21-гадовага хлопца

У Кобрынскім раёне грузавы цягнік збіў 21-гадовага хлопца, паведамляе БЕЛТА са спасылкай на УДАІ УУС Брэсцкага аблвыканкама.

Трагедыя адбылася ў 01:27 на 767-м кіламетры каля вёскі Чаравачыцы Кобрынскага раёна. Высветлілася, што хлопец заснуў, знаходзячыся на чыгуначных пуцях. Машыніст прыняў усе неабходныя меры, у тым ліку і экстраннае тармажэнне, аднак сутыкнення пазбегнуць не ўдалося - малады чалавек памёр на месцы здарэння.

Праваахоўнікі высвятляюць прычыны і акалічнасці трагедыі.