У Жлобінскім раёне дзіця перакуліла на сябе мангал з вуглямі

У Жлобінскім раёне хлопчык перакуліў на сябе мангал з вуглямі. Дзіця ў бальніцы, паведамляе БЕЛТА са спасылкай на Гомельскае абласное ўпраўленне МНС.

Інцыдэнт адбыўся ў нядзелю, 13 красавіка, у в. Прыбудак. Каля 16:00 ратавальнікам паступіла паведамленне аб шпіталізацыі хлопчыка 2016 года нараджэння, які атрымаў апёкі.

Паводле звестак ратавальнікаў, гуляючы ў двары прыватнага жылога дома, дзіця перакуліла на сябе мангал з вуглямі. Яго мама набрала нумар хуткай меддапамогі. Хлопчыка з апёкамі шпіталізавалі.