7 кастрычніка спаўняецца 2 гады з пачатку поўнамаштабнага ваеннага канфлікту ў сектары Газа

7 кастрычніка спаўняецца 2 гады з моманту пачатку войны ў сектары Газа: у 2023 годзе арабскія баевікі здзейснілі напад на прымежныя ізраільскія населеныя пункты.

ЦАХАЛ у адказ прыступіў да знішчэння жылой забудовы на палесцінскіх тэрыторыях, часта разам з мірным насельніцтвам. З ізраільскага боку страты грамадзянскіх складаюць менш за тысячу чалавек, з арабскага - каля 67 тыс. Гэтыя даныя вельмі недакладныя і, хутчэй за ўсё, няпоўныя. Аднак на днях з'явілася спадзяванне на спыненне кровапраліцця.

Напярэдадні ў Каіры пачаліся непрамыя перамовы паміж ХАМАС і афіцыйным Тэль-Авівам: у якасці пасрэднікаў выступаюць прадстаўнікі Егіпта і Злучаных Штатаў. План прымірэння быў прапанаваны ў канцы мінулага тыдня Дональдам Трампам.

Мяркуецца, што ХАМАС вызваліць усіх заложнікаў і раззброіцца, а Ізраіль адвядзе войскі і пагодзіцца на стварэнне ў cектары Газа нейкага ўрада пад міжнародным кантролем. Удзельнікі каменціруюць першыя вынікі перамоў як "вельмі абнадзейлівыя".