Аліеў: Азербайджан перадасць ЗША факты незаконнай дзейнасці USAID

Азербайджан перадасць ЗША факты аб незаконнай дзейнасці USAID на тэрыторыі краіны. Пра гэта заявіў Прэзідэнт рэспублікі Ільхам Аліеў.

На дадзены момант азербайджанскім бокам вядзецца папярэдняе следства: злачынную работу агенцтва вывучае Генпракуратура. Аднак ужо на гэтым этапе, як адзначыў Аліеў, бачны маштаб антыазербайджанскай актыўнасці арганізацыі, спробы падарваць работу ўрада, а таксама відавочныя імкненні ўмяшацца ва ўнутраныя справы.

Тым часам ЗША адновяць сама меней 6 закрытых раней праграм дапамогі Агенцтва ЗША па міжнародным развіцці. Як паведамляюць СМІ, да работы вернуцца праграмы ў Іарданіі, Самалі, Іраку, Ліване, Сірыі і Эквадоры.

Рашэнне аб аднаўленні было прынята пасля заявы Сусветнай харчовай праграмы ААН аб тым, што закрыццё, напэўна, стане "смяротным прыгаворам" для мноства людзей, якія пражываюць у гэтых рэгіёнах.