Атлантычная скумбрыя пад пагрозай знікнення

Сусветнай папуляцыі атлантычнай скумбрыі пагражае поўнае знікненне. Раней гэты від рыб лічыўся экалагічна ўстойлівым, аднак зараз ён у небяспецы, піша "Гардыян".

Віноўнікі біялагічнай катастрофы - Нарвегія, Вялікабрытанія, Ісландыя і Фарэрскія астравы. Як паведамляюць у Таварыстве захавання марскога асяроддзя, гэтыя краіны з 2009 года вылоўліваюць скумбрыю ў празмерных аб'ёмах, парушаючы разнастайныя рэкамендацыі па здабычы. Некамерцыйная арганізацыя заклікае ўвесці для краін абмежаванні на лоўлю скумбрыі, а людзям замяніць гэты від рыб на селядзец або сардзіны.