Дзеля эканоміі: Трамп пакіне ААН і НАТА без грошай

Адміністрацыя прэзідэнта ЗША Дональда Трампа прапануе спыніць фінансаванне НАТА і ААН, а бюджэт дзяржаўнага дэпартамента зрэзаць удвая - з 55 да 28 млрд. Пра гэта са спасылкай на службовую запіску Белага дома паведамляе Wаshington Post.

З усіх міжнародных арганізацый узносы ў поўным аб'ёме захаваюцца толькі ў Агенцтва па атамнай энергіі і Арганізацыю грамадзянскай авіяцыі. Журналісты адзначаюць, што дакумент носіць папярэдні характар і сумняваюцца, што яго адобрыць кангрэс.

Разам з тым само з'яўленне такіх планаў гаворыць пра глыбіню бюджэтнага крызісу. Новая адміністрацыя зараз у пошуку таго, што можна скараціць або ўрэзаць, каб залатаць фінансавыя дзіркі.