Джонсан прапануе еўрапейцам скараціць водпуск дзеля мілітарызацыі сваіх краін

Еўрапейцы павінны перастаць адвільваць і пачаць працаваць над мілітарызацыяй сваіх краін. Гэта заявіў выданню "Дэйлі мэйл" былы брытанскі прэм'ер.

Борыс Джонсан заклікаў еўрапейскіх грамадзян браць прыклад з амерыканскага насельніцтва, якое жыве больш сціпла і мае горшыя сацыяльныя гарантыі, але аддае больш грошай на ўзбраенне і армію.

Палітык прапанаваў пачаць з малога - напрыклад, не ісці ў водпуск на ўвесь тэрмін. Маўляў, у ЗША людзі адпачываюць 15 дзён у годзе, а еўрапейцы цэлых 30. Пры гэтым у ЕС людзям даступныя прадметы раскошы, якіх няма ў амерыканцаў, таму і ад іх трэба адмовіцца на карысць павелічэння трат на ўзбраенне.