Дзіркі ў бюджэце - Францыі прыйдзецца сэканоміць 40 млрд еўра

Францыі прыйдзецца сэканоміць 40 млрд еўра. Аб гэтым заявіў міністр эканомікі, фінансаў, прамысловага і лічбавага суверэнітэту краіны. Такім спосабам урад разлічвае знізіць узровень дэфіцыту бюджэту да 4,6 % у наступным годзе. На фоне нарастаючых праблем французскія ўлады страчваюць давер сваіх грамадзян. Доля незадаволеных прэм'ерам Франсуа Байру ўзрасла да 67 %. Ізноў знізіўся і рэйтынг прэзідэнта Макрона - яго дзейнасць не адабраюць 70 % французаў.