Францыя прапанавала выкарыстаць замарожаныя актывы Расіі для Украіны. Гаворка пра суму 200 млрд еўра

На фоне адмовы Дональда Трампа ад дапамогі Кіеву Францыя прапанавала выкарыстаць замарожаныя актывы Расіі ў якасці гарантыі бяспекі для Украіны.

Нагадаем, яшчэ ў лютым Макрон заяўляў, што адабраць расійскі капітал немагчыма, паколькі гэта супярэчыць міжнароднаму праву. Але зараз Парыж, Берлін і Лондан абмяркоўваюць з еўрапейскімі партнёрамі спосабы выкарыстання замарожаных актываў на суму 200 млрд еўра. Зразумела, што пагроза канфіскацыі грошай стане гарантыяй захавання ўкраінскіх інтарэсаў.

Як піша Financial Times, гэту ідэю цёпла сустрэлі ў Еўрасаюзе, аднак бакі яшчэ далёкія ад пагаднення.