Індыя высылае дыпламатаў, анулюе візы пакістанцам і закрывае мяжу пасля тэракта ў Кашміры

Індыя і Пакістан знаходзяцца на грані паўнавартаснай вайны. Нью-Дэлі ўвёў шэраг жорскіх мер, прычынай якім стала нядаўняе масавае забойства ў штаце Кашмір: тэрарысты расстралялі турыстаў, што прывяло да гібелі 28 чалавек.

Сваё дачыненне да гэтага злачынства Пакістан катэгарычна адхіліў. Гэта не перашкодзіла Індыі зрабіць шэраг крокаў: Нью-Дэлі высылае амаль палову дыпламатаў, якія прадстаўляюць краіну-суседку. Ануляваны візы, выдадзеныя пакістанцам: усім грамадзянам гэтай краіны загадана пакінуць Індыю. Закрыта сухапутная мяжа, Пакістану забаронена навігацыя ў памежных рэках.

Мінулы раз за гэтым рушылі ўслед абмежаваныя ваенныя аперацыі ў спрэчных рэгіёнах таго ж Кашміра. Цалкам імаверна, што баявыя дзеянні ў тым ці іншым фармаце могуць пачацца ў найбліжэйшыя дні.