Латвійскі сейм зацвердзіў выхад краіны з Канвенцыі аб забароне проціпяхотных мін

Латвійскі сейм  зацвердзіў выхад краіны з Канвенцыі аб забароне проціпяхотных мін. Законапраект падтрымалі 68 з 100 дэпутатаў. Яшчэ 14 выказаліся супраць, астатнія ўстрымаліся ад галасавання.

Міністэрствы абароны прыбалтыйскай тройкі  заявілі пра намер адмовіцца ад удзелу ў Атаўскай канвенцыі 18 сакавіка.  Нямірны крок  растлумачылі абвастрэннем  сітуацыі бяспекі ў еўрапейскім  рэгіёне і нібы ваеннай пагрозай з боку Расіі і Беларусі.  Намер  выйсці з канвенцыі, якая забараняе даныя ўзбраенні, выказала і Варшава. Там наогул задумалі ўсеяць мяжу з Беларуссю проціпяхотнымі мінамі,  а таксама разгарнуць  іх  уласную вытворчасць.