Латвійцаў заклікаюць не наведваць Беларусь і Расію на Вялікдзень

Служба дзяржбяспекі Латвіі заклікае жыхароў устрымацца ад паездак у Расію і Беларусь на Вялікдзень.

А калі гэта ўсё ж непазбежнае, ведамства раіць не браць з сабой мабільны тэлефон. Там сцвярджаюць, што на пагранічна-прапускных пунктах са смартфона могуць скапіраваць звесткі, а таксама заразіць яго шпіёнскім дадаткам.

Таксама ў Службе дзяржбяспекі лічаць, што па той бок мяжы наіўных латвійцаў могуць завербаваць расійскія або беларускія спецслужбы.