Макрон і Стармер гатовы суправадзіць Зяленскага да Трампа

Стармер і Макрон разам з Зяленскім гатовы сустрэцца з Дональдам Трампам. Daily Mail сцвярджае - яны хочуць выступіць перад прэзідэнтам ЗША "адзіным фронтам па плане мірнага ўрэгулявання". Дэталі магчымага плана, які палітыкі могуць прапанаваць Трампу, не прыводзяцца.

Відаць, лідары Брытаніі і Францыі ўсё ж прыйшлі да ўзаемаразумення, хаця раней Стармер абверг заяву Макрона, што ў Лондана і Парыжа ёсць сумеснае рашэнне па Украіне. Дэталі плана таксама не прыводзяцца.

Крыніцы газеты толькі паведамілі: магчымае ўрэгуляванне магло б пачацца са спынення абмену паветранымі ўдарамі, а затым бакі маглі б перайсці да спынення агню сіламі сухапутных войскаў.