Макрон, Стармер і Мерц. "Група падтрымкі" прыехала ў Кіеў спецпоездам

У Кіеў прыбыла "група падтрымкі" Зяленскага з ліку некаторых еўрапейскіх палітыкаў, якія выступаюць за далейшае аказанне ваеннай дапамогі Украіне, а значыць і працяг ваеннага канфлікту з Расіяй. Спіс візіцёраў невялікі і цалкам чаканы - прэзідэнт Францыі Эмануэль Макрон, брытанскі прэм'ер Кір Стармер і канцлер ФРГ Фрыдрых Мерц. Яны прыбылі разам спецпоездам.

У Кіеве ўжо да іх далучыўся прэм'ер польскага рэжыму Туск. Чакаецца, што на сустрэчы з Зяленскім яны абмяркуюць пытанні далейшай падтрымкі Украіны. Таксама паведамляецца, што гэтыя палітыкі падтрымліваюць ініцыятыву прэзідэнта ЗША Трампа аб поўным 30-дзённым спыненні агню і маюць намер "нарошчваць ціск" на Расію. Тэкст сумеснай заявы апублікаваны на афіцыйным партале ўрада Вялікабрытаніі.