На ісландскім паўвостраве Рэйк’янес пачалося чарговае вывяржэнне вулкана

У Ісландыі пачалося чарговае вывяржэнне вулкана на паўвостраве Рэйк’янес. Мясцовыя ўлады прывялі ў стан гатоўнасці сілы грамадзянскай абароны. У межах горада Грындвак рызыка вывяржэння адсутнічае.

За апошнія чатыры гады вулкан вывяргаецца ўжо дванаццаты раз. Мінулы раз ён прачнуўся ў красавіку. Тады з-за вулканічнай актыўнасці эвакуіравалі турыстаў з папулярнага курорта і знакамітага тэрмальнага возера Блакітная лагуна.